Nächste Probe und öffentliche Kurzaufführung:

Öffentliche Auftritte:

'n beten wat to Lachen!

Postbote

De Postbütel Volker hett ‘ne niege Tour kreegen, pingelt an de Husdör vun so’n Villa, drückt dat Deenstmäken de Post in de Hand.

Fragt de Husherrin de Deern :

« Weer dor een an de Dör ? »

« Ja, de Breefdräger. »

« Wat för mi ? »     

« Glöv ick nich. Nix Dulles. Verheirat’, twee Kinner. «

 

Arbeitsmoral

Twee Frünn, de ein Handwerker, de anner 'n  Beamten, makt 'n Wanderung un drinken avends in een Wienlokal een öwerden Döst. Annern Dag hebbt se nicks mehr in de Tasch. Tja, wat nu? Kümmt een Wienbuer un fragt jem, warum se so trurig sünd. Se vertellt em, dat se just nu keen Geld mehr hebben. Seggt de Buer, se schullen man op sien Wienbarg Snicken sammeln. He wull jem 50 Cent för't Stück betahlen. –

Na 'n halve Stünn kummt de Handwerker t'rüch mit 'n vullen Büdel Snicken. De Beamte kummt un kummt nich wedder. Na dree Stunnen is he dor, fief Snicken in sien Büdel. Fragt em de Buer:"Woso hett dien Fründ in een halve Stünn den ganzen Büdel voll Snicken un du in dree Stunnen blots fief Stück? Tja, seggt de Beamte, dat verstah ick ok nich: ümmer wenn ick een Stück wies wurd un mi bücken dä: husch, husch, weer se weg!"

 

Dree Männer - Dree Kinner

De Frau op’t Sozialamt:

„Wo kann dat angahn: se hebbt dree uneheliche Kinner?“

„Ja, weeten se, bi den ersten weer een ja noch so jung un wüss vun nix nix af. Un bi den tweeten – de harr mi doch hoch un hillig de Ehe verspraken un denn is he utneiht.“

„Und at drütte Kind?“

Ach Gott, ja, dat drütte,“ süfzt de Fru, verdreiht de Ogen un een Tran kullert ut de natten Ogen, „de drütte Kerl weer ja sooo nett uns muck, dor harrn se ok nich nee seggt.“

 

Arbeiter un Sozialismus

Twee Hamborger Havenarbeiter umnnerholt sick:

Segg mal Hein, wat is egentlich de Unnerscheed twüschen Kapitalismus un Sozialismus?“

„Dat kann ick di nipp un nau seggen, Fiete.

Also wenn uns Chef in’t Auto vorbifohrt u nick segg fründlich Moin Moin un he grööt nich t’rüch: dat is Kapitalismus.“

„Okay, Hein, dat heff ick begriepen.. Un wat is nu Sozialismus?“

„Also, Hein, Sozialismus is dat, wenn mien Chef vorbifohrt u nun ick gröt em un he holt an unhe seggt: Minsch Hein , mien Jung, wat löppst du denn den langen Weg. Kumm stieg in.“Un he fohrt mi di to sick na Hus un is so richtig fründlich un du kriggst een richtig lecker Avendeten un denn makt he noch ne richtig düre Buddel Wien op un he drinkt se mit di ut un du dröffst nachts ok noch in sien schön warm Bett slapen un an nächsten Morgen drückt he di noch een Hunni in de Flossen. – Kiek, dat is Sozialismus.“

Fiete staunt: „Au, Mann, dat ischa ‘n Ding. Und at is di passeeert?“

„Nee; Fiete, mi nich, aver mien Frau!“

 

 

► Döntjes um de Jagd

Nich ümmer

De Herr von Rambow up Schönhof will sik'n niegen Kutscher meeden. Krischan, de vun Natur en groten Stamerbock is, hett sik to den Posten meldt un schall sik nu bi den Herrn un de gnädige Fru vörstelln. De Herr fraagt em na düt un dat, un Krischan antert, so goot as he dat kann. Dorbi kümmt dat denn je vör Dag, dar he stamert, un de Herr von Rambow seggt em, dar dor nix ut warrn kann. Krischan is aver sünst en ganz forschen un smucken Bengel west, un de junge Fru deit dar meist leed, dat se em so wedder wegschicken doot. Do seggt se denn to ehrn Mann, he schall em doch mal fragen, wat he düssen Fehler ümmer an sik hett.

"Sagen Sie mal", seggt denn nu ok de Herr to em, "stottern Sie eigentlich immer so?" –

 "N-n-ne", seggt Krischan, "b-bblots w-w-wenn ik s-s-snacken do".



Jagdhund doot bleben


Den olen Förster is sien’ Hund doot bleben. He truert bannig um sienen goden Kameraden un sökt Trost bi sien Fru:

"Och, Hilde, nu heff ick blots noch di!“



Lehrer drapen

Kümmt een Jäger na Huus un seggt to sienen Söhn: „Fiete, ick heff vorhin dienen Schoolmeister drapen:“

Makt nix, Papa, ick kunn em sowieso nich lieden.“



Motto vun den Jagdvereen


Lernt se scheeten un se ward niege Frünnen drapen



Sündagsjäger

 

Een Sündagsjäger dröppt een Jung, de op de Wisch bi de Köh steiht un fragt em:
"Jung, hest hier nich een Hasen lopen sehn?"
"Ja", seggt de Jung.
"Wo lang is dat woll her?"
"Ja", antert de Jung, tokamen Sündag warden dat woll dree Johr her sien."



Wie schrifft man Gewehr?

 

Du, Opa, schrifft man Gewehr mit „e“ oder mit „ä“?“
Opa öberleggt: „So genau weet ick dat ok nich. Schriev doch eenfach „Flinte“ mit V wie Pfingsten“



Wildswien afsleppen

 

Een Kerl sammelt Pilze in’t Holt un süht twee Jägerslüd, de mit gröttste Mögde een Wildswien to ehr Auto treckt. He lacht un seggt: „Keen Wunner, dat dat so swoar is. Ji treckt dat Deert ja entgegengesetzt to de Borsten.“ De beiden bedankt sick för den Tipp un treckt nu wieder in de anner Richtung vun de Borsten. Na ’n poor Minuten seggt de een Jäger to den anneren: „Also dat stimmt, lichter geiht dat nu, aver leider kamt wi nu ümmer wieder weg vun uns Auto.“